#10 ليه تفضل مكمل - بودكاست الحياة حلوة - محمود ميزار

ديسمبر ٢٠٢٠ ضغطت على نفسي بإني أحط جداول مليانة بالأنشطة ل ٢٠٢١ ويكاد ميكونش فيها مجال للنفس وكنت بضغط على نفسي الصبح في الشغل وبالليل في الأنشطة الخاصة زي البودكاست وغيرها وغلطت إني حبيت أزود العيار في التخطيط ل ٢٠٢١ علشان مايكونش عندي آي وقت فاضي نهائي وإنه قال يعني أستغل يومي صح وإني أعوض عن أي وقت فاتني .. ومع بداية السنة ومن اول يوم حسيت إني مش عايز أعمل أي حاجة وبدل ماكنت بعمل حلقتين في الأسبوع عملت حلقتين في شهر كامل وإنقطعت بعدها عن كل الأنشطة تماماً لمدة ٣ شهور تقريباً وكل يوم كنت بأجل زائد ضغوط حصلت في انتقال من شغل لشغل ومن بيت لبيت وقصص كتير بس النتيجة كانت واحدة… خمووووول تاااااااااام